لحم بعجين على الطريقه السوريه جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. منسميها بلشام صفيحه ارمنيه لانو اخوانا الارمن هيك بيعملو اللحم بعجين
- 0.5 كيلو لحمه مفرومه على الشفره الخشنه
- 4 حبات بندوره
- حبتين فليلفه خضره
- بصله
- 0.5 باقه بقدونس
- سنين توم
- دبس رمان
- ملح فلفل وبهار لحمه وبابربكا رشه قرفه
- قرن فليفله حده او ملعقه فلفل احمر شطه
- العجينه
- 4 كاسات طحين
- 0.25 كاسه زيت
- ملعقتين كبار لبن زبادي
- ملعقه كبيره سكر
- رشه ملح
- ملعقه كبيره خميره
- مي للعجن
- 1 منفرم اللحمه على الشفره الخشنه منفرم البصله ناعمه ع سكين منفرم حبيتين بندوره ناعمه كتير وتنتين بشر او بمحضره الطعام منفرم الفليلفه كمان ناعم ومنحطن فوق اللحمه بعدين منضيف ملعقه كبيره ملح وفلفل وبهار لحمه وبابربكا وملعقتين دبس رمان وسنين التوم المهرسين والبقدونس المفروم والشطه ومنحرك منيح وصارت الحشوه جاهزه
- 2 مندفي كاسه مي مندوب فيها السكر والخميره ومنخلط الطحين مع اللبن والزيت ومنصب عليهم المي ومنعجن حتى تصير عجينه طريه ماتلزق اذا احتاجت طحين ضيفيلها وعجنيها منيح وحطي شويه زيت بصحن وغطي العجينه حتى تتخمر ساعه
- 3 منقطع العجين دوائر وسط منفردها بلنشابه ومندهن صينيه فرن بزيت كميه منيحه ومنحط العجين ومنفرد اللحمه على وجها ومندخلها فرن حتى تتحمر وتستوي اللحمه اذا بتحبيي ضيفي عليهم حبات صنوبر وبلعافيه وبتتقدم مع لبن زبادي
-
4
وبالعافيه
يجب عليك تسجيل الدخول لتتمكن من التعليق وإضافة تجربتك لهذه الوصفه
